Gogoeta zenbakia: 298 Denok gara uste duguna baino zordunago besteei.
Gogoeta zenbakia: 299 Ezin dugu gure burua sozialtzat eta justutzat eduki eta den -denok komunitatetik eta aurreko belaunaldietatik jaso duguna ahaztu, horren ordainetan dagozkigun ekarpenak egin barik.
Gogoeta zenbakia: 300 Gaur egun, norbanakoa, pertsona, hain da ezdeusa, ezen bere nortasunari eusteko elkartean murgildu eta, neurri batean, bat egin behar baitu, zeren eta, bere nortasunari eutsi nahi dion tantari gertatzen zaion legez, ozeanoan galdu beharra baitauka, bestela atmosferan lurrundurik desagertuko da eta. Norbanakoak eta pertsonak besteen parte hartzea eta laguntza behar dute.
Gogoeta zenbakia: 301 Gizakiak, bere eskarmentu pertsonalarekin batera —zeina familia ingurunean modelatu baita—, integrazio prozesu etengabe batean eratzen du bere nortasuna, inguruneak aurkezten dizkion kontzeptuak edo egoerak onartuz edo baztertuz.
Gogoeta zenbakia: 302 Zalantza barik, kolektibitate baten ezaugarririk itxaropentsuena interesatzen dena eraikitzeko eta etorkizunera begira jartzeko bat egiten jakitea da.
Gogoeta zenbakia: 303 Gizakiari komunitatearen bidez erreparatzea esaten dugunean, hurkoen onginahiaren eta laguntzaren babesa edukitzea esaten ari gara
Gogoeta zenbakia: 315 Nork bere morrontzak gainditzeko, oinarri sozial zabaleko egitura komunitarioak sendotu behar dira.
Gogoeta zenbakia: 321 Osa dezagun bere komunitate izaeraz uste sendoa duen komunitate bat eta sekulako indarra izango dugu. Kolabora dezagun denekin bereizkeriarik egin gabe, borondateko gizakiekin betiere.
Gogoeta zenbakia: 328 Benetako bakean eta ongizatean bizi diren kolektibitateak honakoak dira: kide bakoitzak bere onura besteen interesarekin bateratuz bilatzen dueneko kolektibitateak.
Gogoeta zenbakia: 330 Jabetza pribaturako eskubidea ona da, baliagarria baita titularraren askatasuna mantentzeko, baina inondik ere ez gainerako gizakien askatasuna zapaldu, mugatu edo galarazteko. Beraz, gurea denarekin gure nortasunarendako komenigarriena dena egin beharko dugu, nortasun hori zein komunitate barruan dagoen kontuan hartuta, hori kontuan hartu ezik, gainerakoak kaltetu genitzake eta.
Gogoeta zenbakia: 337 Norbanakoaren eskubideak bezainbeste edo gehiago zaindu behar dira eskubide komunitarioak.
